Skilum auðu á kjördegi

Skilum auðu á kjördegi


1. Þann 23. apríl 1999 sátu þáverandi forsætisráðherra og formaður Sjálfstæðisflokksins, Davíð Oddsson og þáverandi utanríkisráðherra og formaður Framsóknarflokksins, Halldór Ásgrímsson, leiðtogafundi NATO í Washington. Á þeim fundi var ákveðið m.a. að heimila eða hvetja til loftárása á marga staði í Serbíu, þ.m.t. á fjölmiðla. Í þeirri ákvörðun fólst heimild eða hvatning til að myrða saklausa borgara, þ.e. starfsmenn fjölmiðla. Davíð og Halldór kynntu ekki þessa ákvörðun fyrir samráðherrum sínum, Alþingi eða þjóðinni. Fáum klukkustundum áður en þessi ákvörðun var tekin gerðu flugmenn NATO-herja loftárás á sjónvarpsstöðina RTS í Belgrad með þeim ásetningi að stöðva útsendingar hennar. Í árásinni dóu 16 starfsmenn og um 100 manns særðust. [Sjá greinargerð] Amnesty International lýsti þessari árás sem stríðsglæp, en þeir sem skipa fyrir stríðsglæpum verða að sæta refsingu. Elías Davíðsson kærði stuðning Davíðs og Halldórs við manndráp og við stríðsglæpi til ríkissaksóknara en hinn síðarnefndi taldi ástæðulaust að aðhafast nokkuð að. Fjölmiðlum og alþingismönnum var tilkynnt um verknaðinn. Enginn þeirri aðhafðist nokkuð í málinu, hvorki með fyrirspurn, athugasemd eða kröfu um rannsókn. Þeir greinilega vildu hlífa sakamönnum. Alþingismenn sem hylma yfir meintum stríðsglæpum ráðherra verðskulda ekki traust almennings.

2. Þann 11. september 2001 voru framin stórfelld fjöldamorð í Bandaríkjunum sem fóru ekki fram hjá neinum. Bandaríkjastjórn hefur sakað múslíma um að hafa staðið að samsæri um þessi fjöldamorð undir handleiðslu Osama bin Laden. Enn sem komið er, hefur enginn verið kærður eða sakfelldur vegna þátttöku eða stuðnings við þessi fjöldamorð. Bandaríkjastjórn hefur ekki lagt fram neinar sannanir um það hverjir hafi framið þessi fjöldamorð, þau mestu í nútímasögu Bandaríkjanna.[Sjá greinargerð] Alríkislögreglan viðurkenndi árið 2006 að hafa engar haldbærar sannanir um tengsl Osama bin Laden við fjöldamorðin. Á grundvelli ósannaðra staðhæfinga um atburðina 11. september réðust Bandaríkin samt á Afganistan og á Írak og hernámu bæði ríkin. Enn eykst mannfall af völdum innrásanna. Eftir ítarlegum rannsóknum bandarískra sérfræðinga hefur komið í ljós að opinbera samsæriskenningin um fjöldamorðin sé hreinn skáldskapur. Bandaríkjastjórn hafi blekkt sína þjóð og umheiminn. Hún hafi sjálf skipulagt og staðið að þessum fjöldamorðum til þess að búa sér tilefni til hernaðarlegar útrásar en slíkt tilefni hafi vantað sárlega. Í ljós hefur einnig komið að tvíburaturnarnir hafi verið felldir með sprengiefni sem búið var að setja fyrirfram víðast hvar í byggingunum. Þetta var gert til að dramatísera enn frekar fjöldamorðin í augu heimsins. Alþingismenn hafa fengið upplýsingar um þessar uppgötvanir en vilja ekkert vita. Þeim finnst heppilegra – fyrir frama sinn – að trúa lygum Bandaríkjastjórnar eða a.m.k. vefengja þá ekki. Alríkislögreglan, FBI, sem hefur átt að rannsaka fjöldamorðin 11. september 2001, hefur látið það ógert. Í stað þess lætur hún starfsmenn sína dulbúa sig sem araba sem hvetja bandaríska múslíma til að skipuleggja hryðjuverk. Síðan eru þessir trúgjarnir arabar handteknir og sakaðir um undirbúning hryðjuverka. [Sjá heimild] Þannig er hryðjuverkaógninni haldið við. Lögreglan á Íslandi hefur nána samvinnu við FBI. Samt kærir sig enginn Alþingismaður að kanna samskipti lögreglunnar við FBI og “varnarsamvinnu” Íslands við morðingjastjórnina í Washington. Alþingismenn sem styðja samstarf Íslands og íslenskra stofnana við hryðjuverkasamtök og hryðjuverkaríki verðskulda ekki traust almennings.

3.  Flestir, ef ekki allir, alþingismenn segjast lita á Bandaríkjamenn sem vinaþjóð.  Þann 11. september 2001, voru 2700 Bandaríkjamenn myrtir með köldu blóði. Þetta voru mestu fjöldamorð á Vesturlöndum á þessari öld. Við teljum okkur vesturlandaþjóð.  En alþingismenn vilja alls ekki vita hverjir stóðu að þessum fjöldamorðum.  Þeir hafa snúið baki við ættingjum fórnarlamba sem vilja vita sannleikann um atburðina en fá engin svör frá yfirvöldum sínum.  Alþingismenn láta sig lítt varða þótt meira en 80 % Bandaríkjamanna gruni stjórnvöld sín um að hafa logið að sér um atburðina 11. september 2001.  Vinir bandarísku þjóðarinnar á Íslandi geta ekki treyst slíkum frambjóðendum.

4. Þann 2. október 2001 studdi fulltrúi Íslands hjá NATO árásarstríð Bandaríkjanna gegn Afganistan. Þúsundir saklausra borgara lágu í valnum eftir árásirnar. Enginn þeirra bar ábyrgð á fjöldamorðunum 11. september 2001. Utanríkisráðuneytið hefur gert allt í þess valdi til að leyna forsendurnar fyrir stríðsstuðningi sínum frá þjóðinni. Ástæða er til ætla að þessar forsendur voru engar heldur að forseti Bandaríkjanna eða handhafi hans hafi einfaldlega beðið Halldór Ásgrímsson með símtali að styðja stríðsáform Bandaríkjanna. Árásarstríðið gegn fullvalda ríkinu Afganistan var háð á leynilegum, eða upplognum, forsendum. Aðeins einn alþingismaður, Ögmundur Jónasson, hefur beðið um þessar forsendur, en þó aðeins með blaðagrein en ekki með formlegri beiðni. Alþingismenn, upp til hópa, sýndu engan áhuga á að vita hvort fjöldamorðin, sem Ísland studdi, hafi verið réttmæt eða saknæm. Þeir vilja ekki vita sannleikann. Alþingismenn sem vilja ekki vita sannleikann og koma í veg fyrir að þjóðin fái að vita sannleikann um stríðsstuðning yfirvalda, verðskulda ekki traust almennra borgara.

Ég lýsi hérmeð vantrausti á Alþingismenn og skora á kjósendur að skila auðu á kjördegi.

Elías Davíðsson
April 2007

Comments are closed.