Okkur hefur verið talin trú um að tvíburaturnarnir í New York hafi hrunið af völdum eldsvoða sem stóð yfir í um eina klukkustund og veikti stálbita bygginganna.  Aldrei hefur þó nokkurt háhýsi, hvorki fyrir 11. september 2001, né þar á eftir, hrunið af völdum eldsvoða, jafnvel eftir mun lengri og skæðari eldsvoða.  Stálið sem fannst í rústum tvíburaturnanna var selt hið bráðasta til fjarlægra landa í bræðslu áður en færi gafst til að rannsaka það og komast að orsökum hrunsins.  Stjórnvöld í New York neita að skýra hvers vegna þessi sönnunargögn frá morðstað voru fjarlægð og hver skipaði að selja stálið áður en rannsókn hafi farið fram.

Ef til vill er skýringa að finna í eftirfarandi staðreyndum ?

• Fjöldi sjónarvotta greindi opinberlega frá því, m.a. í sjónvarpsviðtölum sjálfan 11. september,  að hafa heyrt, séð eða fundið fyrir sprengingum stuttu áður en byggingarnar hrundu.
• Vísbendingar um sprengingar finnast á ljósmyndum og myndbandsupptökum frá hruni bygginganna.  Þessar ljósmyndir og myndbandsupptökur hafa verið birtar á vefnum.
• Byggingarnar hrundu svo til lóðrétt eins og þegar verktaka sprengja niður byggingar og gæta þess að ekki valda nærliggjandi byggingum tjóni.
• Byggingarnar hrundu á 10 sekúndum – frjálsum fallhraða – en það bendir til þess að neðri hæðirnar hafi þegar verið sprengdar og því ekki verið fyrirstaða.
• Mestöll steypan í byggingunum, meira en 200.000 tonn, breyttist snögglega í örfínt duft (ryk) sem dreifðist á stórt svæði og þakti göturnar. Stöðuorkan í byggingunum nægir ekki til að mylja steypuna í svo fínt duft. Talsverð viðbótarorka hefur þurft að koma til.  
• Gífurleg rykský mynduðust um leið og byggingarnar byrjuðu að falla, ekki eftir fallið.
•  240-tonna stálbiti þeyttist úr turnunum og stakkst innfyrir World Trade Center nr. 3, í um 100 metra fjarlægð.
• Bráðið stál fannst í kjallara bygginganna.
• 50-tonna vökvadæla var sprengd í tætlur í kjallara einnar byggingar áður en byggingin hrundi.
• Fjörutíu og sjö hæða bygging, World Trade Center nr. 7, hrundi á 6,6 sekúndum síðla dags, eins og spilaborg, þótt engin flugvél hafi hæft þessa byggingu.

Til að trúa að þrjú háhýsi hafi hrunið af völdum eldsvoða á einum degi, eitthvað sem hefur hvorki gerst áður eða síðar, sbr. langvarandi eldsvoða í Madrid árið 2004, þarf að afneita lögmálum eðlisfræðinnar, vísindalegum rökum og hunsa vitnisburð fjölmargra sjónarvotta.

Ef sprengiefni var notað til að rífa niður tvíburaturnana og WTC-7, er spurt: Hver setti sprengiefni í byggingarnar? Ef grunur leikur á, að liðsmönnum Osama bin Laden, hafi verið að verki, hvers vegna hafa þeir ekki verið sakaðir um þennan verknað?  Ef aðrir hafi þar verið að verki, hverjir eru þeir?

Samantekt: E.D. 2. apríl 2006